II
კლასი
საფეხურებრივი სტანდარტის შედეგები და მათი
შეფასების ინდიკატორები
|
მიმართულება:
ზეპირმეტყველება
|
|
|
სტანდარტის შედეგები
|
II კლასის შეფასების ინდიკატორები
|
|
ქართ.დაწყ.(I).1. მოსწავლემ
უნდა შეძლოს სათანადო სამეტყველო ქცევის
გამოვლენა ნაცნობ საკომუნიკაციო სიტუაციაში.
|
მოსწავლე:
Ø მიზნის შესაბამისად
გადმოსცემს კონკრეტულ ინფორმაციას;
Ø ისმენს და ადეკვატურად
აღიქვამს ინფორმაციას ნაცნობ თემაზე;
Ø მონაწილეობს ინტერაქციაში
ნაცნობ თემატიკაზე;
Ø
გადმოსცემს კონკრეტულ ფაქტს
/ მოვლენას საკუთარი ცხოვრებიდან.
|
|
ქართ.დაწყ.(I).2. მოსწავლემ უნდა შეძლოს სტანდარტით განსაზღვრული სხვადასხვა
ტიპის ტექსტების მოსმენა, გაგება-გააზრება და გადმოცემა.
|
მოსწავლე:
Ø ამოიცნობს სამეტყველო სიტუაციის ადრესანტს (ვინ ლაპარაკობს),
ადრესატს (ვის ელაპარაკებიან) და საუბრის თემას;
Ø სვამს / პასუხობს შეკითხვებს მოსმენილ ტექსტთან დაკავშირებით;
Ø ასათაურებს ტექსტს;
Ø
ტექსტზე დაყრდნობით ახასიათებს პერსონაჟებს (მათს გარეგნობას,
ნიშან-თვისებებს);
Ø საკუთარი სიტყვებით
გადმოსცემს ნაცნობი ტექსტის ეპიზოდის
შინაარსს (ილუსტრაციების, სხვა
საყრდენების გამოყენებით);
Ø აგრძელებს სხვის მიერ დაწყებულ თხრობას სათანადო ადგილიდან.
|
|
ქართ.დაწყ.(I).3. მოსწავლემ
უნდა შეძლოს პირადი
დამოკიდებულების გამოხატვა ტექსტის თემის, მასში განხილული საკითხების მიმართ; მხატვრული
ნაწარმოების პერსონაჟ(ებ)ის, მისი/მათი ქცევის შეფასება და საკუთარი თვალსაზრისის
ახსნა.
|
მოსწავლე:
Ø გამოხატავს პირად დამოკიდებულებას მხატვრული ტექსტების პერსონაჟისა და მისი მოქმედების მიმართ (მომწონს / არ მომწონს, კარგად მოიქცა
/ ცუდად მოიქცა; კეთილია, გონიერია და ა.შ.);
Ø ისმენს ტექსტს და ასახელებს შესაბამისი თემატიკის
მულტფილმს, საბავშვო ფილმს; იხსენებს მსგავსსა და განსხვავებულ ადგილებს ამ მულტფილმებიდან
და საბავშვო ფილმებიდან;
Ø აკავშირებს მოსმენილ ტექსტში ასახულ ამბავს პირად
გამოცდილებასთან (იხსენებს მსგავს შემთხვევას, პერსონაჟს უდარებს თავის მეგობარს, სხვ.);
Ø გამოხატავს კონკრეტული პერსონაჟის ქმედებით აღძრულ
ემოციებს (მაგ., გამაკვირვა, შემეცოდა და ა. შ.).
|
|
ქართ.დაწყ.(I).4. მოსწავლემ
უნდა შეძლოს ნაცნობი ლექსიკისა და ენობრივ-სინტაქსური კონსტრუქციების სათანადოდ გამოყენება; მართლმეტყველებისა და სამეტყველო ეტიკეტის
საბაზისო ნორმების დაცვა.
|
მოსწავლე:
Ø ამბის გადმოცემის, ნაცნობი საგნის თვალსაჩინო ნიშნებით აღწერა-დახასიათების
დროს იყენებს მართებულ სიტყვაფორმებსა და მარტივ წინადადებებს;
Ø განარჩევს წინადადების მოდალობებს (თხრობას, კითხვას,
თხოვნას, ნატვრას, ბრძანებას) და წარმოთქვამს მათ შესაბამისი ინტონაციით;
Ø სათანადოდ იყენებს კავშირებს (ან, მაგრამ...);
Ø ადრესატის გათვალისწინებით წარმართავს ეტიკეტურ დიალოგებს
ნაცნობ თემებზე (მიპატიჟება, თავაზიანი თხოვნა ან უარი და ა. შ.), შეარჩევს მართებულ გამონათქვამს სამეტყველო სიტუაციისა
და ადრესატის გათვალისწინებით (მაგ., როგორ ხარ? / ბრძანდებით?);
Ø სწორად ხმარობს კითხვით სიტყვებს (ვინ? რა?), უარყოფით
ნაწილაკებსა (არ, ვერ) და ნაცვალსახელებს (პირის, კუთვნილების) სათანადო კონტექსტში.
|
|
ქართ.დაწყ.(I).5. მოსწავლემ უნდა შეძლოს
ზეპირმეტყველების ნაცნობი სტრატეგიების გამოყენება მიზნის შესაბამისად.
|
მოსწავლე:
Ø იყენებს საყრდენებს
(მაგ., ილუსტრაციებს, სურათებს, ნახატებს, სხვ.);
Ø იყენებს არავერბალური
მეტყველების საშუალებებს.
|
|
დავალებათა / აქტივობათა ნიმუშები:
Ø
მინიდიალოგების მოსმენა და შესაბამისი სამეტყველო
სიტუაციის ამოცნობა;
Ø
მინიდიალოგების გათამაშება ნაცნობ თემაზე; ინფორმაციის
პრეზენტაცია (მაგ., წინასწარ შეთავაზებული მარტივი მოსაწვევი ბარათის და/ან აფიშის
მონაცემების საფუძველზე ზეპირი განცხადების გაკეთება დაგეგმილი ღონისძიების რაობის,
ჩატარების დროს, ადგილისა და სხვა.);
Ø
ილუსტრაციებზე დაყრდნობით უცნობი ტექსტის თემის ამოცნობა;
ვარაუდის გამოთქმა ტექსტის შესაძლო შინაარსის შესახებ;
Ø ნაცნობი ტექსტის ცალკეული ეპიზოდის ილუსტრირება და ილუსტრაციების დასათაურება;
Ø
მოსმენილი ტექსტის დასათაურება;
Ø
ინტერაქცია (კითხვა-პასუხი)
მოსმენილ ტექსტთან დაკავშირებით;
Ø
პერსონაჟის, ობიექტის ან მოვლენის ჯგუფური დახასიათება;
Ø
მინიინტერვიუს მოწყობა მეწყვილესთან და მიღებული ინფორმაციის თანაკლასელთათვის გაზიარება
(მაგ., ინტერვიუ თემაზე: „საცხოვრებელი გარემო“: (მეწყვილის სახელი) ცხოვრობს ძნელაძის ქუჩაზე, ცხრასართულიან სახლში,
სახლს აქვს დიდი ეზო...“);
Ø
სხვადასხვა მოდალობის მიხედვით წინადადებების შედგენა
და გამოთქმა შესაბამისი ინტონაციით;
Ø
წინადადების მოდალობების მართებულად გამოყენება იმიტირებულ
სიტუაციაში;
Ø
იმიტირებული სიტუაციის ორგანიზება ეტიკეტური მეტყველების
ენობრივი ფორმულების გამოყენებით
Ø
და სხვა.
|
|
|
მიმართულება:
კითხვა
|
|
|
სტანდარტის შედეგები
|
II კლასის შეფასების ინდიკატორები
|
|
ქართ.დაწყ.(I).6. მოსწავლემ
უნდა შეძლოს გაწაფულად კითხვა.
|
მოსწავლე:
Ø თავისუფლად
ამოიცნობს ნაცნობ სიტყვებს;
Ø დამარცვლით
კითხულობს უცნობ სიტყვებს;
Ø ხმამაღლა
(მთლიანი სიტყვებით ან დამარცვლით) კითხულობს და იგებს მარტივი წინადადებებით შედგენილ
მცირე ზომის სხვადასხვა ტიპის ტექსტებს;
Ø ხმამაღლა კითხვისას
სწორად მონიშნავს წინადადების საზღვრებს ტექსტში, იცავს პაუზას;
Ø სათანადო
ინტონაციით გამოხატავს წინადადების მოდალობას (თხრობითი, კითხვითი ბრძანებითი წინადადებების);
Ø აგრძელებს
სხვის მიერ დაწყებულ კითხვას სათანადო ადგილიდან;
Ø პოულობს და კითხულობს ტექსტში მასწავლებლის მიერ
მითითებულ ადგილებს;
Ø კითხულობს ხმამაღლა
და გარკვევით.
|
|
ქართ.დაწყ.(I).7. მოსწავლემ
უნდა შეძლოს სტანდარტით განსაზღვრული სხვადასხვა ტიპის ტექსტების წაკითხვა და
გაგება-გააზრება; ტექსტში ვერბალური და არავერბალური ფორმით მოწოდებული
ინფორმაციის (მაგ., ილუსტრაციისა და ტექსტის) ურთიერთადაკავშირება.
|
მოსწავლე:
Ø განარჩევს თხრობასა და დიალოგს, მოიძიებს რეპლიკების ავტორებს;
Ø ტექსტის კონკრეტულ მონაკვეთში მოიძიებს მითითებულ
სიტყვას/წინადადებას, (მაგ., პერსონაჟთა სახელებს, ცხოველს, სათამაშოს
და სხვ.);
Ø ამოკრებს კონკრეტულ ინფორმაციას (მაგ., რომელ დღეს
და რომელ საათზეა ესა თუ ის მულტფილმი, კვირაში რამდენჯერ არის ჭადრაკის წრე და სხვ.);
Ø აჯგუფებს ტექსტში მოცემულ
ინფორმაციას კონკრეტული ნიშნების მიხედვით (მასწავლებლის დახმარებით
ან დამოუკიდებლად) (მაგ., შინაური და გარეული ცხოველები, ხილი და ბოსტნეული,
ზამთრის თემატიკის ამსახველი ლექსიკა, სხვ.);
Ø თანამიმდევრულობის დაცვით,
საკუთარი სიტყვებით გადმოსცემს წაკითხული ტექსტის/ტექსტის მონაკვეთის შინაარსს;
Ø პოულობს ტექსტის კონკრეტულ მონაკვეთში ილუსტრაციის
შესაბამის ეპიზოდს;
Ø ილუსტრაციის მიხედვით გამოთქვამს ვარაუდს ტექსტის
შესაძლო შინაარსის შესახებ.
|
|
ქართ.დაწყ.(I).8. მოსწავლემ
უნდა შეძლოს მცირე ზომის მხატვრული ტექსტების ინტერპრეტირება ვერბალური და
არავერბალური გზით; ვერბალური ინფორმაციის ვიზუალურად გარდაქმნა და/ან პირიქით.
|
მოსწავლე:
Ø ქმნის წაკითხული / მოსმენილი ტექსტის ან მისი ფრაგმენტის
სიუჟეტურ ნახატს;
Ø ირჩევს პერსონაჟს / რომელიმე მოქმედებას / მოქმედების
ადგილს და ქმნის ნახატს საკუთარი ინტერპრეტაციით, ფანტაზიით;
Ø ქმნის ნახატს, რომელშიც გადმოცემულია მოსმენილი
/ წაკითხული ამბის გაგრძელება;
Ø ასათაურებს საკუთარი ინტერპრეტაციით ან ფანტაზიით
შექმნილ ნახატს / წაკითხული ან მოსმენილი ტექსტის საფუძველზე დამოუკიდებლად შექმნილი ამბის გაგრძელებას და ხსნის, რატომ შეურჩია ნახატს
ასეთი სათაური;
Ø გამოძერწავს პერსონაჟ(ებ)ს;
Ø ნასწავლი მუსიკალური
მელოდიით აფორმებს (მიუსადაგებს) ტექსტის მონაკვეთს.
|
|
ქართ.დაწყ.(I).9. მოსწავლემ
უნდა შეძლოს წაკითხული ტექსტის მიმართ პირადი დამოკიდებულების გამოხატვა და
ახსნა; ტექსტის თემის და/ან მასში განხილული კონკრეტული საკითხების შეფასება.
|
მოსწავლე:
Ø აფასებს მხატვრული
ნაწარმოების პერსონაჟის საქციელს;
Ø გამოხატავს თავის დამოკიდებულებას
ნაწარმოებში გადმოცემული მოვლენისადმი/პერსონაჟისადმი;
Ø ასახელებს წაკითხული
ტექსტის შესაბამისი თემატიკის მულტფილმს, საბავშვო ფილმს, ასახელებს მსგავს / განსხვავებულ
ადგილებს.
|
|
ქართ.დაწყ.(I).10. მოსწავლემ
უნდა შეძლოს სტანდარტით განსაზღვრული სხვადასხვა ტიპის ტექსტების მაორგანიზებელი
ელემენტების, სტრუქტურული და
კომპოზიციური მახასიათებლების ამოცნობა.
|
მოსწავლე:
Ø გამოყოფს ტექსტის
მაორგანიზებელ ნაწილებს/ელემენტებს (სათაურს,
ძირითად ტექსტს, ავტორს);
Ø ტექსტის მაორგანიზებელ ელემენტებზე დაკვირვებით
ამოიცნობს,
რა ტიპის ინფორმაციაა მოცემული
კონკრეტული სახის ტექსტში (მაგ., ტელეპროგრამაში - გადაცემის
ტიპი, დღე, საათი; კულინარიულ რეცეპტში – მასალის ჩამონათვალი, რაოდენობა, მომზადების
წესი და სხვ.);
Ø ასახელებს ან მიუთითებს, ტექსტის რომელ ნაწილში უნდა ეძებოს კონკრეტული
ინფორმაცია (მაგ., გაკვეთილების ცხრილში სად არის განთავსებული საგნების ჩამონათვალი,
სად – კვირის დღეები).
|
|
ქართ.დაწყ.(I).11. მოსწავლემ
უნდა შეძლოს სტანდარტით განსაზღვრული სხვადასხვა ტიპის ტექსტების ლექსიკურ და სემანტიკურ მხარეზე,
ენობრივ ფორმებზე დაკვირვება.
|
მოსწავლე:
Ø განარჩევს და ასახელებს
პერსონაჟის / ობიექტის დამახასიათებელ სიტყვებს შინაარსობრივი თვალსაზრისით (საგნის,
პიროვნების აღმნიშვნელ სიტყვებს, მოქმედება-მდგომარეობის აღმნიშვნელ ლექსიკას...);
Ø აკავშირებს ერთმანეთთან
საგნისა და მოქმედების აღმნიშვნელ სიტყვებს;
Ø ადარებს და
კითხვის დასმის საშუალებით აჯგუფებს სიტყვებს (სახელებსა და მოქმედების აღმნიშვნელ
სიტყვებს).
|
|
ქართ.დაწყ.(I).12. მოსწავლემ
უნდა შეძლოს კითხვის ნაცნობი სტრატეგიების გამოყენება მიზნის შესაბამისად.
|
მოსწავლე:
Ø უბრუნდება წაკითხულს
კონკრეტული ინფორმაციის მოსაძიებლად, ტექსტის უკეთ გასააზრებლად;
Ø სვამს კითხვებს ტექსტში
მოცემული ინფორმაციის დასაზუსტებლად;
Ø იყენებს სათაურსა და
ილუსტრაციას ტექსტის შესაძლო შინაარსის ამოსაცნობად;
Ø შემუშავებული აქვს
მარტივი წესი, რომლის მიხედვით წიგნში იოლად ჩაინიშნავს ან მოძებნის კონკრეტულ ადგილს;
Ø ყურადღებას აქცევს
და იყენებს წიგნის სარჩევს, სახელმძღვანელოში მოცემულ პირობით ნიშნებს;
Ø იყენებს მარტივ გრაფიკულ
სქემებს, გრაფიკულ მაორგანიზებლებს ინფორმაციის დასაჯგუფებლად;
Ø უცნობი სიტყვების მნიშვნლობის
ამოსაცნობად აკვირდება კონტექსტს, იყენებს ტექსტის შემდეგ მოცემულ სიტყვათა განმარტებებს,
ან მიმართავს მასწავლებელს/მშობელს.
|
|
დავალებათა / აქტივობათა ნიმუშები:
Ø ტექსტის კონკრეტულ მონაკვეთში
მითითებული სიტყვების მოძიება (მაგ., პერსონაჟთა სახელების, ცხოველების, რეპლიკის ავტორის/ადრესატისა და სხვ.);
Ø არეული რიგით მოწოდებული
წინადადებების სწორი თანამიმდევრობით წარმოდგენა წაკითხული ტექსტის შინაარსის აღდგენის
მიზნით;
Ø დიალოგის კითხვა წყვილებში;
Ø მხატვრული ტექსტის პერსონაჟთა
ამოცნობა მათი დამახასიათებელი ნიშან-თვისების მიხედვით; პერსონაჟთა გარეგნობის, ჩაცმულობის აღწერა;
Ø ილუსტრაციების მიხედვით (შესაძლოა კომპიუტერის, პროექტორის გამოყენება) ნაწარმოების გამოცნობა;
Ø ილუსტრაციის
მიხედვით ტექსტის შინაარსის ამოცნობა;
Ø წაკითხული ტექსტის ამბის
გაგრძელება;
Ø პერსონაჟის ალტერნატიული
საქციელის მოფიქრება;
Ø პერსონაჟთა დამახასიათებელი
ნიშან-თვისებების რუკის შევსება;
Ø ტექსტის მიხედვით ილუსტრაციების
შექმნა;
Ø პრაგმატული ტექსტების
გაკვეთილის ცხრილის, დღის განრიგის, აფიშის, მოსაწვევი/მისალოცი ბარათის და ა. შ.) გაფორმება;
Ø ტექსტის/ტექსტის მონაკვეთის
ხმამაღლა კითხვა;
Ø წინადადებების შედგენა
ახლად ნასწავლი ლექსიკური ერთეულების გამოყენებით
Ø და სხვა.
|
|
|
მიმართულება:
წერა
|
|
|
სტანდარტის შედეგები
|
II კლასის შეფასების ინდიკატორები
|
|
ქართ.დაწყ.(I).13. მოსწავლემ უნდა შეძლოს სტანდარტით განსაზღვრული
სხვადასხვა ტიპის მცირე ზომის მარტივი ტექსტების შექმნა ნაცნობ თემატიკაზე.
|
მოსწავლე:
Ø ადგენს პრაგმატულ ტექსტებს, სათანადოდ აფორმებს მათ მოდელის
შინაარსობრივი და სტრუქტურულ-კომპოზიციური
მახასიათებლების გათვალისწინებით;
Ø ადგენს პირადი გამოცდილების
ამსახველ ტექსტს მითითებების/ საყრდენების გათვალისწინებით).
|
|
ქართ.დაწყ.(I).14. მოსწავლემ უნდა შეძლოს ნაცნობი ლექსიკის,
ენობრივ-სინტაქსური კონსტრუქციებისა და სტუქტურული ელემენტების ადეკვატურად გამოყენება;
კალიგრაფიისა და მართლწერის საბაზისო ნორმების დაცვა.
|
მოსწავლე:
Ø წერს აკურატულად, იცავს
ტექსტის გრაფიკულ სტრუქტურას;
Ø სათანადოდ ათანხმებს რიცხვში სახელებსა და მოქმედების აღმნიშვნელ სიტყვებს;
Ø კონტექსტის მიხედვით მართებულად იყენებს ზმნის დროებს
(წარსულს, აწმყოს, მომავალს);
Ø იყენებს მაერთებელ კავშირებს სიტყვათა და სიტყვათა
ჯგუფების დასაკავშირებლად წინადადებაში;
Ø მართებულად იყენებს თხრობით, ბრძანებით და კითხვით
წინადადებებს (სწორად იყენებს ზმნურ ფორმებს) და წინადადებების ბოლოს სვამს სათანადო
სასვენ ნიშნებს (წერტილს,
კითხვის ნიშანს, ძახილის ნიშანს);
Ø იყენებს ნაცნობ ლექსიკას;
Ø სათანადოდ იყენებს ეტიკეტური მეტყველების ფორმებს პრაგმატული ტექსტების (მაგ.,
მოსაწვევი ბარათის) შედგენისას;
Ø მართებულად
იყენებს მრავლობითი რიცხვის ფორმებს პრაგმატული ტექსტების შედგენისას.
|
|
ქართ.დაწყ.(I).15. მოსწავლემ უნდა შეძლოს წერის ნაცნობი სტრატეგიების გამოყენება მიზნის
შესაბამისად.
|
მოსწავლე:
Ø საჭიროებისამებრ იყენებს საყრდენებს (მოდელს, მარტივ
მითითებებს და სხვ.);
Ø შედგენილ ტექსტს ადარებს
მოდელს და, საჭიროებისამებრ, შეაქვს შესწორებები;
Ø კითხულობს საკუთარ ნაწერს ხმამაღლა და ასწორებს შემჩნეულ
შეცდომებს;
Ø ამოიწერს მასწავლებლის მიერ ჩასწორებულ ფორმებს ან
მთლიან წინადადებას;
Ø ასწორებს სხვის (მაგ.,
თანაკლასელის) ნაწერს.
|
|
დავალებათა / აქტივობათა ნიმუშები:
Ø შეთავაზებული
კონკრეტული სიტუაციის (კონკრეტულად, ვის იწვევენ, რასთან დაკავშირებით, სად, როდის და სხვ.) შესაბამისი მოსაწვევი ბარათის შედგენა სათანადო მაორგანიზებელი ელემენტების გამოყენებით (მიმართვა, ძირითადი ტექსტი, ხელმოწერა);
Ø შეთავაზებული
კონკრეტული სიტუაციის შესაბამისი წერილის დაწერა მეგობრისადმი (მაგ., შთაბეჭდილების
გაზიარება ახალ მულტფილმზე, წაკითხულ წიგნზე;
ახალი ამბის/სამომავლო გეგმის გაზიარება, სხვ.) ორგანიზების სათანადო წესების დაცვით (მიმართვა, ძირითადი ტექსტი, ხელმოწერა);
ხელნაწერი და/ან ელექტრონული სახით);
Ø შეთავაზებული
კონკრეტული სიტუაციის შესაბამისი გამაფრთხილებელი აბრებისა და განცხადებების შედგენა (მაგ., „ფრთხილად, ეზოში ძაღლია“, „ნუ
შეეხებით“, „დაიკარგა ძაღლი“ და ა. შ.);
Ø პირადი გამოცდილების ამსახველი მცირე ზომის
მარტივი თხრობითი ტექსტის შედგენა საყრდენების დახმარებით ან მათ გარეშე (მაგ.,”ჩემი
დაბადების დღე”, ”როგორ შევხვდი ახალ წელს” და სხვ.);
Ø მცირე ზომის
მარტივი თხრობითი ტექსტის შედგენა საყრდენების დახმარებით (მაგ., ამბის გადმოცემა
შეთავაზებულ ხუთ მარტივ შეკითხვაზე: „ვინ?“, „სად?“, „რა?“, „როდის?“, „რატომ?“ პასუხის გაცემის გზით);
Ø კითხვებზე
პასუხის გაცემა წერილობით და/ან ონლაინ ინსტრუმენტის გამოყენებით;
Ø კარნახით
წერა (ფრაზების, აბზაცების, მცირე ზომის ტექსტების);
Ø მცირე ზომის
ტექსტის/ტექსტის მონაკვეთის (ფრაზების, აბზაცების) გადაწერა წიგნიდან, დაფიდან
Ø და სხვა.
|
|
პროგრამის შინაარსი
შედეგების მიღწევა შესაძლებელია მოცემული შინაარსის საფუძველზე:
1.
ინფორმაციის გაგება, ანალიზი და შეფასება
ძირითადი თემატიკა:
ლექსიკოლოგიური ასპექტი: სხვადასხვა მნიშვნელობის მქონე სიტყვებზე (საგნების, მოქმედების, თვისებებისა
და სხვ. აღმნიშვნელი სიტყვები), სიტყვების მრავალმნიშვნელიანობაზე დაკვირვება; სიტყვის
ადეკვატურად შერჩევა კონტექსტზე დაყრდნობით (აზრის უკეთ გამოხატვის მიზნით).
გრამატიკული ასპექტი: ხმოვანი და
თანხმოვანი; სიტყვის ბგერითი ანალიზი და სინთეზი; სიტყვის ფორმობრივი ანალიზი საწყის დონეზე; კავშირი და განსხვავება დონეებს შორის: სიტყვა
- წინადადება
- ტექსტი; მარტივი
წინადადების აგება და ძირითადი სასვენი ნიშნების გამოყენება; წარმოთქმული წინადადების
ინტონაციის გამოხატვა წერისას და დაწერილისა - პირიქით, წარმოთქმისას; სიტყვათა შინაარსობრივი კავშირი წინადადებაში;
წინადადება - დასრულებული
აზრი; მოცემული სიტყვებით წინადადების კონსტრუირება; თხრობითი, კითხვითი და ძახილის
წინადადებები.
2. ენის კომუნიკაციური ასპექტები
ძირითადი თემატიკა: საუბრის თემა,
ადრესანტი და ადრესატი; ეტიკეტური დიალოგები. მოსმენისა და კითხვის სტრატეგიები (თემა,
სათაური და საკვანძო სიტყვები). შესწავლითი კითხვა (სასწავლო ტექსტის კითხვის სტრატეგიები:
სათაურისა და აბზაცების მიხედვით კითხვების დასმა, საკვანძო სიტყვების გამოყოფა); ტექსტის
კორექტირების მარტივი ხერხები (ჩამატება, ამოღება). ტექსტი, როგორც თემატური და აზრობრივი
ერთიანობა. სათაურის ტიპები. ტექსტის სტრუქტურულ-აზრობრივი ნაწილები: დასაწყისი, ძირითადი
ნაწილი, დასასრული. აღწერა და მსჯელობა. მიზნობრივი
და ზეპირი კომუნიკაციის მარტივი ტექსტები (წერილი, დიალოგი, განცხადება, გამაფრთხილებელი
წარწერები).
3.
მხატვრული ტექსტის გაგება და თვითგამოხატვა
ძირითადი თემატიკა: ლექსები, მოთხრობები და ზღაპრები თანატოლებზე, სამშობლოზე, მეგობრობაზე, სიმართლეზე, ადამიანურ ურთიერთობებზე, ადამიანისა და ბუნების ურთიერთობაზე, სიკეთესა და ბოროტებაზე.
საკითხავი
მასალა: ლიტერატურული და ხალხური ზღაპრები, იგავ-არაკები;
მცირე ფოლკლორული ჟანრები: ენის გასატეხები, გამოცანები, ანდაზები, ლექსები, ქართული
და უცხოური საბავშვო კლასიკა, მოთხრობები, კომიქსები, ქართული საბავშვო ლექსები.
No comments:
Post a Comment